trifunpanovski-bitola

Посета на домот за стари лица Сју Рајдер од Битола

По повод 1 Октомври Меѓународниот ден на старите лица учениците од III б, V б и ученичката Теодора Мицеска  заедно со своите наставнички Цветанка Љамчевска и Ирена Николовска беа во посета на домот Сју Рајдер во Битола.

Посета на домот за стари лица Сју Рајдер од Битола Read More »

Есенски крос 2019 година

Во организација на Сојузот за училишен спорт од Битола, денес на 27.09.2019 година се одржа есенскиот училишен крос на кој учествуваа ученици од основните и средните училишта. Нашето училиште под менторство на наставникот по Физичко и здравствено образование Михајло Христовски, ги освои следните места: 1. Иван Иванов VII Б – II место 2. Демир Умер VIII А- II место

Есенски крос 2019 година Read More »

Учество во глобалната акција – Засади дрво за мир и светскиот Eno tree planting day

Наставничките и учениците од подрачните училишта во с. Дихово и с. Трново, по трет пат учествуваа во глобалната акција – Засади дрво за мир во рамките на движењето Eno tree planting day, заедно со илјадници училишта во повеќе од 100 земји во светот. Оваа година, одлучија да засадат семиња од локални овошни и јаткасти плодови испраќајќи порака дека околината е важна за нас, не само локално, туку и глобално. Како што растат заедно учениците и дрвата на мирот, така да растат условите за посветла иднина на нашата планета и нејзините жители.

Учество во глобалната акција – Засади дрво за мир и светскиот Eno tree planting day Read More »

Наградна екскурзија за учениците кои го промовираа училиштето со своите успеси на општинско, регионално и државно ниво

На ден 28.06.2019 год. училиштето организираше наградна екскурзија за учениците кои во учебната 2018-2019 год. освоија места на општински, регионални и државни натпревари. Екскурзијата беше до град Скопје, каде беа посетени Собранието и Институтот за национална историја. Пред учениците се обратија пратениците Фросина Ташевска Ременски, Далибор Богдановски и Зоран Илиовски и притоа учениците им поставуваа прашања за нивната работа во собранието. Исто така пред пратениците нашата ученичка Ана Долевска одржа говор на тема: Екологија, каде упати јасни пораки како да ја зачуваме чиста нашата животна средина. Голема благодарност за соработката до Соња Стаменковска-  советник историчар во одделението за едукација и комуникација. Се надеваме дека ова ќе биде поттик за сите ученици да ги унапредуваат своите знаења и постигања и да го промовираат училиштето со своите успеси.

Наградна екскурзија за учениците кои го промовираа училиштето со своите успеси на општинско, регионално и државно ниво Read More »

Интерна обука за наставници од предметна настава на тема: „Надареност, Креативност, Талент“

На ден 27.06.2019 год. во нашето училиште се одржа интерна обука на тема: „Надареност, креативност, талент“. Обуката ја реализираше психологот на училиштето Теодора Трифуновска. На  обуката присуствуваа 19 наставници од предметна настава. Обуката имаше за цел да ги прилагоди знаењата на наставниците на оваа тема за да можат успешно да ги идентификуваат овие ученици, како и да ги прилагодуваат планирањата и наставата за овие ученици.

Интерна обука за наставници од предметна настава на тема: „Надареност, Креативност, Талент“ Read More »

Изложба „Ана Франк – Историја за денес“ – во Битола

Учениците од VIII б заедно со наставниците Светлана Мирчевска и Никола Чаловски ја посетија изложбата за Ана Франк во гимназијата „Таки Даскало“ – Битола со цел да се запознаат повеќе со веќе изученото литературно дело „Дневникот на Ана Франк“ . Изложбата претставува збир од триесет и девет изложбени панели кои носат бројни детали од животот на малата Ана и нејзиното семејство од Втората светска војна. Изложбата е отворена во Македонија во рамки на проектот „Хисторија, Историја, Повјест – Лекции за сегашноста“, а организатори се Младински образовен форум и Куќата на Ана Франк од Амстердам. Она што ја направи оваа изложба поинаква е што водичи за посетителите беа млади волонтери, средношколци кои поминале обука за да ја раскажат приказната на Ана Франк. До сега, изложбата беше поставена во 23 градови во државата, а ја посетиле повеќе од 19 илјади млади.

Изложба „Ана Франк – Историја за денес“ – во Битола Read More »

Влијанието на аерозагадувањето врз климатските промени

На ден 27.05.2019 година вo Еко куќичката на ЈП Комуналец, ученици од нашето училиште презентираа за ефектите на аерозагадувањето и климатските промени. Ученичката Емилија Крстевска од IX б одд.  презентираше за аерозагадувањето, тема со која освои III место на државен натпревар на Млади техничари и природници организиран од  Нарoдна Техника. Потоа ученици од драмската секција говореа за ефектите од аерозагадувањето и климатските промени. Настанот беше проследен од ученици од ОУ ,,Климент Охридски“ од Битола а истиот беше под менторство на наставничката по Биологија Николина Врџовска и наставникот Слободан Ристевски.

Влијанието на аерозагадувањето врз климатските промени Read More »

„Велигденски Собир “ за Меѓуетничка интеграција во образованието со тема ,, Народни приказни и хумористични песни “

На 21.05.2019 год. во ПУ с. Трновци се одржа 7-от ,,Велигденски Собир “ за Меѓуетничка интеграција во образованието со тема ,, Народни приказни и хумористични песни “ . Учениците од ПУ с. Трново учествува со хумористичната песна ,,Куќа имам на Пелистер”. На манифестацијата имаше Ликовен конкурс на тема „ ХУМОРИСТИЧНИ ЛИКОВИ И НАСТАНИ ОД НАРОДНОТО ТВОРЕШТВО “, каде сите ученици добија благодарница за учество, а ученичката Емилија Стерјовска освои диплома за освоено второ место. Организаторот на манифестацијата , им додели Благодарници на одделенскиот наставник Ленче Илиевска и директорот Пецо Димовски за учество ,придонес и поддршка на седмиот Велигденски Собир.

„Велигденски Собир “ за Меѓуетничка интеграција во образованието со тема ,, Народни приказни и хумористични песни “ Read More »

Посета на фабриката KROMBERG & SCHUBERT

Во склоп на програмата за професионална ориентација и предметот Иновации, учениците од IX одделение заедно со наставниците Слободан Ристевски и Татјана Трајковска беа во посета на фабриката за производство на кабли за автомобили – KROMBERG & SCHUBERT во Битола – зона Жабени, со цел учениците подобро да се запознаат со производствениот процес како и професионалните профили кои можат да се сретнат во индустријата.

Посета на фабриката KROMBERG & SCHUBERT Read More »

Еко акција во соработка со ЈП Комуналец Битола

Нашите ученици од IV А и IV Б заедно со нивните наставнички Лидија Поповска и Ирена Николовска на ден 13.05.2019 од год.  имаа еко активности во еко куќичката во соработка со ЈП Комуналец Битола.

Еко акција во соработка со ЈП Комуналец Битола Read More »