trifunpanovski-bitola

ОУ “ Д-р. Трифун Пановски“ – Битола ја спроведе акцијата „ Садница плус“ како дел од акцијата „ Ден на дрвото – засади ја својата иднина“. Со акцијата „ Садница плус“ беше засаден семенски материјал – семе од ела, од страна на учениците во нашето училиште.

Во пресрет на Велигденските празници во нашето училиште е весело и празнично. Од куп хартија наставниците во одделенска настава направија прекрасни украси кои ги разубавија нашите училници.

По повод ВЕЛИГДЕНСКИТЕ ПРАЗНИЦИ ОУ „ Д-р. Трифун Пановски“ – Битола на ден 12.04.2017год традиционално организираше ВЕЛИГДЕНСКИ БАЗАР. Во холот на училиштето на штандови беа изложени разни креативни изработки од учениците, родителите и наставниците.

Учениците од Ученичката заедница заедно со училишниот психолог учествуваа на најголемиот глобален час на кој беа промовирани „Глобалните цели за одржлив развој 2015-2030“ кои ги усвои Генералното Собрание на Обединетите Нации, со поддршка на УНЕСКО и УНИЦЕФ. Овие 17 Глобални цели се однесуваат на теми битни за општественото живеење како образование, здравство, намалување на сиромаштијата, справување со климатските промени и сл. По одржувањето на часот и дискусијата за важноста на овие цели, учениците изготвија промотивен постер со кој ќе придонесат за популаризација на оваа иницијатива кај другите ученици, родители и настваници.

Денес во градскиот парк во Битола се случи голем Еко Хепенинг под мотото “Од мали нозе со големи чекори за Битола”. Настанот го организираше невладината организација Биосфера во соработка со основните и средните училишта од Битола. Главната цел на Еко хепенингот покрај одбележувањето на Меѓународниот ден на биодиверзитетот, беше и подигнување на свеста кај најмладите за заштита на животната средина. На настанот низ активности од забавно едукативен карактер, најмладите од сите основни и средни училишта од Битола, пренесоа пораки за заштита на животната средина и унапредување на биолошката разновидност.